Kumpital Daakaa Media Ñande Aset 26/10/2024.
Alh Abuu Njaay nootaniiɗo Fondation Thierno Wolle Njaay e Madiina Gunaas, umminii hannde lappol e tiindaade gure Daande maayo ɗee. Ɗum ko caggal nde maayo ngoo ƴeri, hoɗɓe e ɗeen gure loriima heen no feewi, sabu ko heewi e gese maɓɓe ndiyam ɗam ko ko heɓti ɗum. E dow ɗuum kaŋko Alh Abuu Njaay wondude e sete timmuɗo o yettoyiima huunde e ɗeen gure haande, ngam muññitde ɓe.
Njillu nguu ko balɗe ɗiɗe, hannde e janngo, nde dawaa Madiina e subaka hannde oo, o yettiima ɗee gure Sunnatu, Aynumaadi, Misira, Ubaa e Saadatu. Ɓesnguuji ɗii njaɓɓiima wondude e weltaare timmunde, teskaade Alh Abuu Njaay ina waɗti e maɓɓe hakkille, kaŋko e hoore makko o yilliima ɗeen gese keɓnooɗe naatnude ndiyam.
Caggal yettinde konngol Alh Abdullaahi Wolle Njaay feewde e maɓɓe, o hollirii hoɓe ndenndi e ɓeen ko joli koo e ɗiin nokkuuji. Sete oo joftii e wuro teddungo ngoo Madiina Gunaas. Maa dawe janngo ngam timmioyde lappol ngol.
Ɗaahaa Muusaa Bah
Nate Tijjaani Tuure.
