Kumpital Daakaa Media, ñande Alarba 18/09/2024.Fonndaasiyoŋ Ceerno Wolle Njaay Seerndii Wuro Yaŋ-Yaŋ e nder Falnde Linngeeri e caɗeele yahaa ngaraa Cella, ɗum ko wallitde ɓe Ammbilaas keso Pul, tawi ko ballal Alh Abdullaahi Wolle Njaay, caggal ɗaɓɓaande maɓɓe. Alh Abuu Njaay tawtoraama hannde kewu dokkirgol Ammbilaas oo ɗoon e wuro ngo, e taweede keewal timmungal.Hilifaaɓe nokku oo kawrii heen, gila e Cukko Supperfee, kam e Meer Komin oo, e ardiiɓe gure heewɓe. Ɓesnguuji ɗii kollitii heen weltaare mum en, e ngaal ballal jaaktungal. Ko adii nde jonnde ndee ina jooɗoo, Alh Abuu Njaay e wondiiɓe mum keɓii yettaade Muusee nokku oo, mooftuɗo ko heewi e geɗe Taarik nokku oo, haa e leydi ndii fof.Ciftinen gaagaa oon Ammbilaas Alh Abullaahi Wolle Njaay rokkiinoɓe Foorasuuji ɗiɗi, gonɗi e golleede e oo sahaa.Ɓesngu wuro ngo e konngol ardiiɓe ɓee, ɓe njettii no feewi Alh Abdullaahi Wolle Njaay, e ngaal ballal, teskingal e maɓɓe, ɓe kollirii weltaare maɓɓe kadi e Alh Abuu Njaay e darnde mum. Caggal juulal Tiisubaar sete oo waynitii wuro ngoo, Daakaa Media.
