Ceerno Alh Muhammadu Saydu Bah, jiiyaaɗo Allah ko gooto e ɓeen golla niibe Diine lislaam ko tiiɗi, o yii aduna ko hitaande 1900 to Cikkitte e nder Fuuta, koy fuuta. Jinaaɓe makko ko moɗɗuɓe, anndiraaɓe moƳƳere e peewal, ɓeen ko Ceerno Saydu Alfaa Bah, e Sokna Maama Hawlii Bah, kanko Ceerno o waɗi jaɲde makko fof Koy Fuuta, o rewii e nokkuuji keewɗi, kono o timmini jaŋde makko, ko to Ciloň to Ceerno Hammee Baaba Talla, ko e 1927 o waɗi njillu immaade Fuuta fayde diiwaan mbo koldaa, e wondinaade jiyaaɗo Alllah moƳƳo Ceerno Alh Aali Caam, ko nde o yii nokku oo, o ɓami pellital artude ngam ferde, ngoon fergo laatii ko hedde kitaale 1931, o wondaniima oon jiyaaɗo Allah, caggal duttagol oon, ko ndeen o sosi Madiina Gunaas ňande 27 02 1936, wuro mawngo hannde oo taweteengo e leydi senegaal, tawi alaa kongo sosiraa so wonaa wuurtinde diine e ƴellitde sunna, kam e saaktude Tijjaaniya.
ko kanko fuɗɗi Daakaa e 1942, tawi o ƴetti ɗum koy Ceerno Makko Alh Aali Caam, o haɓiima Aada e bidaa kaaddi nguurndam makko, o sompii capanɗe gure, tawi fof woni ko e yamiroore makko, o waɗii njilluuji ngam diine oo, koy ndeen darnde laaɓtunde o wuuri haa 26 korse 1980, o fooftoyii, lomtiimo ko ɓiyiiko ana wiyee Ceerno Alh Aamadu Tijjaani Bah yoo Allah juutnu balɗe makko. ɗum noon banndiraaɓe ko en meeftuɓe tan ngam siftinde en.
Kuɗol✍🏿Ɗaahaa Muusaa Bah Madiina Gunaas.
