Retour sur la journée du livre Pulaar à Nouadhibou (ňalawma Deftere Pulaar)

…………………………………………………………………………………………………………………………………………………………………………………

Muritani jaɓɓiima, ňalawma Deftere Pulaar, mbo Fedde Lewlewal Kominikaasiyoŋ, ɗum waɗi ko ňande Alet 24/12/2022, ɗo e wuro Nuwaadibu daande maayo, wuro laamorgo faggude Muritani, tawi yuɓɓini ndeen ňalaande ko (Fedde Ɓesngu Tulde Dubaango) nde tawnoo hikka suɓaa ko golle ɓiɗɗo maɓɓe Ceerno Abuu Sih, ko firo e pulaar Al Quraana tedduɗo oo, ngoon firo ko timmungo, wonaa ngol woni gadanol ko Lewlewal ina waɗana nii Ceerno Abuu Sih, sabu ko kanko huddit noo ndee ňalaande, to Tulde ngol ɗoo ko ɗo e Nuwaadibu daande maayo.

Golle ɗe puɗɗii ko e waktuuji 18h e nder gootal e leeɗe wuro ngo, ina wiyee Dubaayi, ko keewal cemmbungal, waynii e nokkuuji ɗii kala, gila e nder wuro ngo, haa boowal maggo, ko noon teskiniri heen wayniiɓe worgo Maayo ngo(Senegaal) tawi ko seteeji timmuɗi Fuuta, Dakaar, haa Madiina Gunaas.Ko heewi gollaama heen, jeewte guurɗe cemmbuɗe njeewtaaama, nde tawnoo waɗi ko e taweede seeremɓe nokku oo, ɗum yooɗni golle ɗe, konnguɗi keewɗi ɓamaama haa yettii Ceerno Abuu Sih jeewtuɗo e fannu Firo ngo, tawi raɓɓikinaaki heen.

Ɗiin konngi ɓamanooɗi ɗoon peňňinii darnde e sirŋinaare Ceerno Abuu Sih e ɗe golle, kanko ne o manii Darnde ɗeen pelle Lewlewal e Tulde naaɓe, ko jonnde mahiinde e mbaydi nehdi, gila to worɓe haa e to Rewɓe, golle ɗe tonngaa ko waktuuji 22h jamma, e dow weltaare teeŋtunde, Aadi oo ko laabi goɗɗi.