NJILLU FONDATION CEERNO WOLLE NJAAY TO FUUTA : FUMMIHAARA DEMMBUƁE HAA WURO SOOGI.
Alh Abuu Njaay e Sete mum ina njokki e taweede e Fuuta, ngam ɗiin golleeji Wolle, Ko saanga waktuuji 11h15 Suppere mbo Wuro Siidi Masammba Mbay yettii e Fummihaara ngam hawritde e gudditgol Foorasuuji tati ɓaɗaaɗi e wuro ngo, e ballal Fondation Ceerno Wolle Njaay. Golle gadiiɗe ɗee ko yillaade e Foorasuuji ɗii, ɗum ko ngam ndaarde cewle ɗee, tawaama fof ina yuɓɓi, Ko Alh Abuu Njaay e Supperefe oo, wondude e Meer Komin Wuro Siidi, ɓe njooɗnii golle ɗe Alh Abdullahi Wolle Njaay gollii ɗee. Supperefe eeriima nde ɓesnguuji ɗii, nde ndarotoo e kisal majji. Cukko Meer Wuro Siidi ɓe ɓamii konngol e oon fannu.
Nde jonnde lawakeere nde jooɗii ngam udditde ɗiin Foorasuuji, ɗum waɗi ko sltaweede jamaanu keewngu sanne, caggal konngol Imaam e Joom Wuro, ɓesnguuji ɗii ɓamii konnguɗi e jaarde Alh Abdullahi Wolle Njaay. Nde Alh Abuu Njaay ɓami konngol o hollitii Fummihaara ko iwdi Alh Abdullahi Wolle Njaay, o jaarii jagge tawtoraaɗe ňalawma oo, o hollitii kadi ko ina tolnoo 23 Fooraas mbaɗaama e nokku oo, tee maa won puɗɗaaɗi e ko fayi arde. Nde Supperefe ɓami konngol e yooɗnude golle ɗe Alh Abdullaahi Wolle Njaay gollii, e darnde nde o darii e wallitde ɓesnguuji ɗii, ko saanga waktuuji 15h golle ɗe njoofi e dillere mawnde.
Ko Saanga waktuuji 16h30 Sete oo waynii Fummihaara ngam jokkude ngool lappol, ko gorwoccol werlaaji, ko nde hojomaaji 40 pawii e dow waktuuji 16h yettaa to Siñcu Garba, ɗum ko ngam ƴeewde ɗeen golle Fooraas nokku oo, ɓesnguuji ɗii njaɓbɓiima no feewi, caggal nde golle ɗe ndaara, ko ɗoon waktu takkusaan oo juulaa, yimɓe wuro ngo ɓamii konnguɗi weltaare. Ko nde waktuuji 17h30 huccanaa Wuro Soogi, nokku jogorɗo waaleede, nde yettaa tawaa wuro ngo ina jaɓɓii gila ko adii naateede wuro ngo.
Golle Ɗoon e Wuro Soogi ko yillaade e ɗiin Foorasuuji 3 gonɗi w golleede e wuro ngo, e ballal Alh Abdullahi Wolle Njaay, yoga e leeɗe, gila e Aynumaadu haaa Daaru Salaam, gardiiɗo Magic Forage hollitii ɗoo e lewru fayndu maa golle ɗee timmu. Sete oo e gardagol Alh Abuu Njaay ko ɗo e Wuro Soogi waala, janngo maa dawane Cali e Horndolde
Ɗaahaa Muusaa Bah e Aamadu Jaw e Umaar Bah.
Foto Tijjaani Tuure.
