KUMPITAL DAAKAA MEDIA 26/02/2023.
Fuuta Jaɓɓiima Ballal Alh Abdullaahi Wolle Njaay, ko e oo Aset 25/02/2023, sete cemmbu waynii Madiina Gunaas tawi ardii ɗum ko Alh Abuu Njaay nulaaɗe ndeen Aafnde, ɗum ko ngam yettinoyde ngaal ballal, to ɗee gure ɗiɗe e nder Falnde kanel, diiwaan Maatam, ɗeen ngoni HorkoƳere e Fummihaara Demmbuɓe, gure Enɗam Alh Abdullaahi Wolle Njaay, ɗeeɗo gure ina nguurnnoo Nguurndam cattu ɗam to bannge ndiyam heɓde ɗum ɗo ko caɗeele, kono Ssfriim hanti, tawde o rokkii heen wuro fof, foorasuuji tati.
Sete oo adii yettaade ko HorkoƳere ngam yottindeɓe ɗuum ko ɓe ɗaɓɓunoo, golle gadane waɗaa ko jonnde ngam, huccande ɗeen golle, e ndeen jonnde ɓesnguuji Wuro ngo, kollii heen weltaare mawnde nde ndaňi e ngal ballal jaaktungal nokku oo, e kikiiɗa hee ɓe kollii ɗiin nokkuuji ɗo foorasuuji ɗi ngonta ɗo.
Nde immaa HorkoƳere ɓennaa ko Fummihaara Demmbuɓe, ko ɗo e ngoo wuro Jinnaaɗo gorko Alh Abdullaahi Wolle Njaay dawi, ngooɗoo ne jaɓɓiimi ballal makko, tawi ko foorasuuji tati ndiyam, ko weltaare mawnde wonande ɓe nde tawnoo ko ɗum ngoƳa mawɗo wonnoo ɗo maɓɓe, kisa ko doon dawol ngol haaɗi, oon sete hibbitii ngam joftoyde Madiina Gunaas.
Ɗaahaa Muusaa Bah.
Tijjaani Tuure (Foto)
Sileymaani Saar (Kameraa)
