Caggal balɗe ɗiɗe heblo joofii ndeen lulnde Fedde Jaaynooɓe huutortooɓe Pulaar e nder winndere nde CIjp yuɓɓinnoo e Njum, tawi tiitoonde heblo ngo ko Jaayndiyaŋke e sahaa suɓngooji, ko ina tolnoo 55 Jaaynoowo tawtoraama heblo ngo, ñande Aset e Alet.
Heblo ngo jofiima toɓɓe keewɗe, jowitiiɗe e ndeen tiitoonde, sakkitoraa ko fannuuji Meccal ngal, tawi ɗownoo ngoon heblo ko Hammee Aamadu Lih e Usmaan Makka Lih.Ina jeyaa e jagguɓe e lulnde nde Fondation Ceerno Wolle e lomtagol Alh Abuu Njaay, e Lewlewal Kominikaasiyoŋ, yantude e USE- PIP, kono kadi ardiiɓr Komin mbo Njum njaggii heen, ɓe mballitii Fedde nde.
Fedde CIjp e gardagol Aamadu Baro Bah hesɗitinii yiilirde mum caggal duuɓi ɗiɗi, ndeya telliima woɗɓe njolii ngam jokkude golle ɗee, ko e oon sahaa nii hooreejo Fedde nde hesɗitinaa e hoolaare mum, kam e terɗe yiilirde nde heewɓe, gila e Koolaaɗo kuuɓal e Moftoowo ngalu ….. Hooreejo huniima darodaade e goomu mum ngam jokkude golle e etaade yettinde Faandaare Fedde nde. Ko adii ɗuum catal Fedde nde e Diiwaan mbo Seenliwii dariima. Golle ɗee njofiri ko weltaare timmunde gooto kala ina weltii ina weytii.
Ɗaahaa Muusaa Bah. Foto Tijjaani Tuure.
