Ceerno Alhajji Aamadu Tijjaani Bah, ooɗo jiyaaɗo Allah ko ɗuhinooɗo e les koyɗe jinnaaɗo mum Ceerno Alh Alh Muhammadu Saydu Bah, timmini Almudaagal e oon neɗɗo Allah, peccanooɗo wuurde e gollanaade e diine lislaam, hannde o laatii Khaliifa oon jiyaaɗo Allah, jokkuɗo golle mum e dow ndii leydi. Ceerno Alh Aamdu Tijjaani Bah hoɗii Aduna ko 1935 seeɗa tan ko adii sompeede ngoo wuro Sunna Madiina Gunaas, o yi’i Aduna ko e nder diiwaan mbo koldaa, ko o ɓiɗɗo e Ceerno Alh Muhammdu Saydu Bah gooto e ɓeen gollaniiɓe joomiiraaɗo e dow ndii leydi ko tiiɗi, cggal jaŋdeeji makko, o laatiima ballo jinnaaɗo makko oo, ɓamii gollude ɗiin golleeji ɗi Ceerno wuurnoo gila e nguurndam mum, ina maantinii heen ɗiin lappi diine ɗi oon jiyaaɗo Allah waɗatnoo.
Caggal duuɓi 80 e dow leydi ndi, ngam gollande joomiraaɗo e wuurtinde sunna Annabi oo, kam e saaktude laawol Tijjaaniay, nde Ceerno Alh Muhammadu Saydu Bah fooftoyii ňande 26/06/1980, tawi ko o saňii fof, ko ndeen Ceerno Alh Aamdu Tijjaani Bah lomtiimo e ndeen darnde, o laatii jokko timinɗo fof, kala Ceerno mawɗo gollatnoo alaa ko o wayli, huunde heen fof o ɓeydu nawde ɗum yeese tan kam rewnde ɗum, gila e ɗiin lappi Diine, kala ɗo Ceerno naatatnok ina naatda ɗoon w dental ngal, khaliifa makko oo naatdii ɗoon e dental ngal, kono kadi o wonii timminɗi ɗiin anniyaaji ɗi Ceerno joginoo, gila e siňcude gure, haa yettaade won nokkuuji, jamaaji haa e jumaaji, kam Siyaaruuji e ɗiin nokkuuji tedduɗi, kala Ko Ceerno toɓɓunoo tan khaliifa oo fiɗii, ko ɓooyaani ko ina jeyaa ee ɗiin anniyaaji ɗi o timmini Jumaa dental ngal to Dakaar.
Duuɓi capanɗe nay pawɗi ko omo ardoo ngak pottital diine hono Daakaa, ngal Ceerno sompani juulɓe, ina duysamo heen ɓeen miňiraaɓe, makko ina e maɓɓe Ceerno Abdul Asiis Bah, gollanɗo dental ngal ko tiiɗi makko miňiraaɓe makko ɓee. Yiɗde Ceerno ko ko nde fof en, ngonata juulɓe, ɗooftiiɓ joomiiraaɗo. Ngam gollande Allah tan, joomiraaɗo yeɗii mo Ɓesngu nehiingu e deftere Allah nde, dariiɓe hannde oo laŋ ngam walludemo e ɗee golle ceniiɗe, nguurndam njuutam kam e cellal duumngal koko juulɓe kala ňaagantoo oo neɗɗo Allah.
Ɗaahaa Muusaa Bah.
