Caaktugol Deftere Aliw Kume » Ciimtol Njillu to Unifani »
L’Harmattan Galle muuloowo defte ɗo e leydi Senegaal, jaɓɓiima e oo kikiiɗa Aset 20 lewru ndu Keewal timmungal, ɗum ko ngam arde hawrude caaktugol defte Aliw kume winndiyaŋke, tiitoriindo e Farayse «
« Récit d’un voyage à Ounfani : à la rencontre de Chérif Mouhamadoul Hafaz Al Alawi » tawi ko siimtoore nguurndam oon Jiyaaɗo Allah to Unifani.
Ko saanga waktuuji 16h pawɗi hojomaaji 50 golle ɗee puɗɗii, bismii renndo ngoo ko Gardiiɗo oon galle Abdullaahi Jallo, tawi yerwotonoo jeewte ɗee ko Hammee Aamadu Lih Jaayndiyaŋke, yeewtooɓe ɓee ko Pr Jibi Jakate, e Dr Siisee Kan, ɓe memii e kala coɓɓuli, ngam famminde ko soomi e deftere nde, kam e yooɗnude darnde winndiyaŋke oo Aliw Kume.
Kanko Aliw Kume nde o ɓami konngol o jaarnii fof en, gila e tawtoraaɓe ɓee haa ɓeen jagguɓe heen haa huunde ndee waawi laataade, o raɓɓiɗinaaki e konngol. Seteeji keewɗi tawtoraama gila to Unifani haa Madiina Gunaas, ko Ceerno Abdul Jabbaar Bah Khaliifa oo yamiri yoo tawtore. Ɓeen gollidaaɓe ñalawma oo tawtoraama, ina Heen Fondation Ceerno Wolle Njaay, ko Alh Abuu Njaay lomtii heen ndeen Aadnde, kanko ne o yoodnii golle Aliw kume. Ko caggal futuru golle ɗee timmi.
Ɗaahaa Muusaa Bah
Foto L’Harmattan
