No o seeraani e waɗde Alh Abdullahi Wolle Njaay, wallitii Daakaa Media kadi ballal cemmbungal sanne, tawi ngaal ballal toɗɗii ko ɓeen dillooɓe e galle oo, to fannu jaaruɗe, o wallitiiɓe ko ina tolnoo e motooji 3, tawi naftortoo ɗum e haajuuji galle oo ko dillooɓe heen ɓee, gila e Jaaynooɓe haa e haralleeɓe …
Tawi ngaal ballal rewi ko e juuɗe Alh Abuu Njaay gardiiɗo oon galle. Ballal ngal yettii gollooɓe ɓee ko e oo Aset 27/05/2023 e Madiina Gunaas, ɗum weltinii gollooɓe ɓee sanne, nde tawnoo ballal ngal ari ko e sahaa mum, tawi gollooɓe ɓee ina coklunoo ɗum no feewi. Jaaroore maɓɓe teeŋtii feewde e Alh Abdullahi Wolle Njaay kam e Alh Abuu Njaay e ngal ballal.
Ciftinen Kadi Daakaa Media ina anniyii hurmbitde galle mum keso oo, mahaaɗo kadi e ballal Alh Abdullahi Wolle Njaay, ɗum wonata ko ñande Altine 05/06/2023 e nder Madiina Gunaas.
Ɗaahaa Muusaa Bah
