KUMPITAL DAAKAA MÉDIA 19/02/2023.
Hono no Aadorii e kala hitaande, ngam ndee ňalaande teddiniraande Ɗemngal muynangal nde fedde Inesko toɗɗii ko ina ɓura duuɓi nookaas e jooni. E dow ɗuum ɗee pelle tati ndentii mawninii ndee ňalaande, ɗeen ko ɗe ( Goodal e Kisal… Kam e Peŋgal..) Ɗum ko e oo Alet 19 colte 2023, ɗo e Dakaar, leegal Yommbol nokku Siidi Hoot. ko saanaga waktuuji 17h yettaa e nokku he, yimɓe ɓe ngimmoriima baŋyoo baŋ, ngam arde hawrude heen, ko heewi e jagge tawatoraaɗe ɓamii ɗoon konnguɗi, e yooɗnude ɗee golle kam e Eeraade nde daratee e ɓamtaare Ɗemngal ngal.
Toɓɓere nde ɓe cuɓii hikka nde ko » Ɗemɗe Ngenndiije e nder Caaktirɗe yeru Pulaar » Yerwii toɓɓere nde ko Hammee Aamadu Lih Jaaynoowo to 2stv, o memii toɓɓere nde tigi rigi, gila e naatgol ɗemɗe men e caaktirɗe, haa e holno ɗe naatiri, ngonka ɗemngal Pulaar ngal hannde e nder caaktirɗe, yeewtere nde dillinii renndo ngo no feewi, sabu mayre memde toɓɓe keewɗe faayiida sanne.
Teddinira noo ndee ňalaande ko Debbaajo ina wiyee Faatimata Sih Kordinaatiris USE, kam ne yooɗnii sanne, ngaal teddungal nde o ɓami konngol, o raɓɓiɗinaaki e hollude faayiida ɗemngal ngal, o rokkaama njeenaari ngam ruttude mo teddungal, sabu darnde makko, golle ɗe njoofi ko saanga waktuuji 20h jamma tawi fof en ina mbeltii heen, ina teskini heen ɗiin seteeji tawtoraaɗi ɗum, ina heen sete bayniiɗo Madiina Gunaas e gardagol Alh Abuu Njaay.
Ɗaahaa Muusaa Bah.
Tijjaani Tuure(Foto)
