KUMPITAL DAAKAA MEDIA 10/02/2023.
Caggal lebbi tati (3) pawɗi ko o tawetenoo to Dakaar laamorgo Senegal, Ceerno Alh Ahmadu Tijjaani Bah Khaliifa tedduɗo mbo Madiina Gunaas, joftii e wuro mum teddungo ngo e oo jamma Alkmaida 09/02/2023. Ko ňande Alaraba kikiiɗa o wayniu Dakaar, saanga wakruuji 19h Laana ndiwoowo ka diwi immaade ɗoon e boowal laaɗe diwooji ngal Yoof e Dakaar, ngam tiinddaade Tammbaa kunndaa ko waktuuji 20h25 Laana ka juurii e boowal laaɗe diwooje ngal Tammbaa o tawi ko dental ngal ina jaɓɓii hono no o duysiraa Dakaar nii.
Caggal nde o waali Tammbaa e jamma Alarba oo, o ňaldi e maɓɓe ɗoon ňande Alkamisa nde, Ceerno Yaltaniiɓe e beetawe he. ko nde o juuli Takkusaan o waynii dental Tammbaa ngam yettoyaade Madiina Gunaas, ko saanga waktuuji 16h o yalti wuro ngo, wondude e duyso dental ngal. E laawol he tawaa ko keeweendi e ɗeen gure ina njaɓɓii e daande Godoroŋ hee o duwoo o yawta, yeru ɗee gure : Jiŋkoore, Gulummba, Daaru Salaam Mannda, Sahre Aamadu, Aynumaadii, Ƴaaŋaa ko Madiina Tuwaat.Caggal mum yettaa e wuro teddungo ngo Madiina Gunaas, tawaa ko ina jaɓɓaa jaɓɓungal cemmbu ngal sanne, hono no aadorii ni, gila e naatirde wuro ngo, haa yettaa e Jumaa mawka kaa, ko sappeeji hoɓe inna Allah, golle gadane ko juuraade Jiyaaɗo Allah o Ceerno mawɗo(C Alh MS Bah) Caggal mum futuru juulaa, duwaawu waɗaa.
E ňalawma Aljumaa hannde oo saanga 13h Ceerno yaltanii dental ngal, ngam jaŋtawol, jaŋtii ko Ceeeno Abdul Asiis Kan, nde Ceerno Ƴetti konngol o ruttaniima holii oo jiyaaɗo Allah Commbuɗo oo nokku hono Ceerno Alh Muhammadu Saydu Bah haa e no wuru ngu siňciraa, caggal mum ko duwaawu. Caggal lebbi 3 pawɗi boowal maggo, hanti Khaliifa oo ina tawee ɗo e Madiina Gunaas, wonaa ko e heblaneede Daakaa Jogorɗo fuɗɗaade ňanade 04/03/2023 So Allah jaɓii.
Ɗaahaa Muusa Bah.
Tijjaani Tuure (Foto).
