Retour sur la journée internationale de Dental Madina Gounas de Cote d’Ivoire
………………………………………………………………………………………………………………………………………………………………………………………..
Dental Daakaa yuɓɓiinii ňalawma mawɗo, e oo Aset 07/01/2023, ɗo e Abijaa laamorgo Koddiwaar, leegal Kumaasii, tawi ko e gardagol Ceerno Bookara Kan, oon ňalawma ko ngam hollirde kaayitaaji, keɓaaɗi e juuɗe Laamu Koddiwaar, ngam heɓtinde kala golleeji dental ngal e leydi he, tawtoraama ɗum keewal maantini ngal, tawi ko ɓesnguuji dental ngal wayniiɓe e nayi jookli leydi ndi kala, teddiniraa oo ňalawma ko Alh Abdullaahi Wolle Njaay, gimminɗo sete timmuɗo, e gardagol Alh Abuu Njaay yo lomto ɗum heen, wondude e goomu timmungu ngu Dakaar Media.
Ko saanga waktuuji 15h tawi oon nokku Biyateeɗo Galle daneejo heewii tep, saal oo ko haa wukkiti jamaanu, e taweede kadi hilfaaɓe diine e aada kala, lomtii heen Laamu ngu ko koonsil Senegaal ɗo e Koddiwaar, hono Umara Belal Bah, Meer nokku oo…
Caggal konngol maɓɓe ko Ceerno Bookara ɓami konngol e yeewtere juutnde toɗɗiinde Nguurndam Jiyaaɗo Allah oo, hono Ceerno Alh Muhammdu Saydu Bah, gila tan nde o hoɗii aduna e 1900 haa nde o footoyii e 1980, kadi o artii e pufuɗe dental ɗo e leydi ndi, tawi ɗum fuɗɗii ko e njillu Ceerno e leydi ndi ngadanu e 1972, haa Ceerno Siraaji Kan halfinaa dental ngal, ina yaha haa yettii hannde khalifaagal ngal ko kanko resndaa.
Caggal makko Ko Ceerno Ibun, Soh yeewti welnde sanne, kadi e yettinde salminaandu Ceerno, nde o rowi ko Alh Abuu Njaay yettini konngol Alh Adullaahi Wolle njaay, kadi jettuɗo dental ngal e ɗee teddule, uddi jonnde nde ko Refto Alquraana, ko saanga waktuuji 18h duwaawu waɗaa renndo ngo yaafaa, e dow weltaare teenŋtune.
Ɗaahaa Muusaa Bah.
Tijjaani Tuure(Foto)
